Día da paz

Entroido

Manifesto pola paz. 3º ciclo

Olaaa!
Somos nós. Si, nós: as nenas e os nenos de 5º e 6º.
Temos zapatillas gastadas de xogar, mans manchadas de pintura, ideas tolas, risas contaxiosas… e hoxe temos algo moi importante que dicir:

Queremos PAZ!
Pero non unha paz aburrida, silenciosa e sentada nunha cadeira.
Queremos unha paz que percorra o noso patio que xoga ao escondite, que comparte o bocadillo e que se dá abrazos sen pedir permiso.

Como dixo John Lennon: “Imaxina un mundo en paz”.
Nós non só o imaxinamos… construímolo cada día no cole.

E AGORA… ATENCIÓN! CHEGA CROCOLIBRO!
Desde a biblioteca, entre contos, cómics e libros misteriosos, aparece Crocolibro, o crocodilo máis lector do planeta.
Non come persoas, come historias.
Non morde, ensina.

Crocolibro dinos sempre:
—“Cada vez que les, aprendes a entender aos demais”.

E nós escoitámolo, porque cando alguén entende, non pega,
cando alguén entende, non insulta,
cando alguén entende… axuda.

Crocolibro pasa as páxinas coa súa cola e recorda que as palabras poden ser bálsamo ou picadura de mosquito.
Nós escollemos que sexan bálsamo.

A GRAN SELVA DA PAZ
Un día, lendo con Crocolibro, viaxamos a unha selva moi especial.

Alí, o león decidiu deixar de mandar e comezar a escoitar.
A tartaruga ensinounos que ir despacio tamén é chegar lonxe.
O mono aprendeu a compartir, aínda que só houbese unha banana.
A cacatúa deixou de repetir insultos e empezou a repetir:
—“Por favor, grazas, perdón”.

E ata o crocodilo da selva, primo segundo de Crocolibro, descubriu que é mellor abrir libros que bocas enfadadas.

Como dicía Esopo, nas súas fábulas:
“A unión fai a forza”.
E nós sabemos que xuntos somos imparables.

Nós prometemos:

• Respectar, aínda cando non pensamos igual
• Coidar a quen estea triste, só ou enfadado
• Resolver os problemas falando, non empurrando
• Rir sen facer dano
• Xogar sen excluír
• Defender a paz no patio, na clase e na vida
• Coidar as palabras como se fosen sementes
• Defender a quen o precisa, porque ninguén camiña só
• Rir xuntos, xogar limpo e pedir perdón cando faga falta
• Celebrar as diferenzas, porque ser distintos é unha marabilla

Porque como dixo Gandhi:“A paz é o camiño”.
E nós xa estamos camiñando.

O NOSO BERRO FINAL (QUE NON ASUSTA, PERO MOVE MONTAÑAS)Con Crocolibro como guía, coa selva como exemplo, e cos nosos corazóns ben abertos, dicimos:

SÍ AO RESPECTO
SÍ AO COMPAÑEIRISMO
SÍ Á PAZ

E dicimos NON á violencia,
NON ás burlas,
NON a deixar a alguén atrás.

Porque somos nenas e nenos,
pero tamén somos o presente,
porque somos 5º e 6º do CEIP Plurilingüe Infante Felipe de Borbón,
e porque a paz apréndese lendo, xogando, falando e queréndose moito.

Palabra de Crocolibro. Palabra nosa.

Guión badaladas

Chega o Nadal cos animais da selva

Ficha de traballo "Wonder"

Despois de traballar o Día da Discapacidade en galego con diferentes películas vencelladas á discapacidade, anexionamos algunhas das reflexións feitas polo alumnado de 3º ciclo, neste caso, concretamente sobre Wonder.

Recursos Nadal

Móbil apalpador

 

No Día da Discapacidade, introducimos o Nadal con pictos

O apalpador

Vídeo coa canción adicada ó Apalpador, personaxe tradicional galego que o 31 de decembro baixa das montañas de O Caurel para deixarlle castañas e agasallos ós nenos e nenas de Galicia. O personaxe deste vídeo está inspirado nas ilustraciones que del fixo Leandro Lamas.

Rematando o mes das ciencias

Rematamos o mes das ciencias cun agasallo e marcapáxinas científico para os participantes na Feira de ciencias.

XII Feira de ciencias 5° Novembro 2025

Co gallo da celebración do mes da ciencia en galego quixemos aproveitar a expoñer os experimentos de 5º a través da XII Feira de Ciencias no noso cole.

Todo o alumnado do centro puido visitar as diferentes seccións, maquetas e experimentos e aprender un pouco máis sobre as diferentes ramas da ciencia.

Exposición "Froitos de outono"

Wonder

Pronto se aproxima a efeméride da Discapacidade e, desde o noso cole, unha das actividades será o visionado de películas relacionado coa temática.

Aproveitando o irmanamento cos nosos veciños portugueses a través do proxecto "Escolas de fronteiras" visionaremos algunha subtitulada en galego e outras dobradas á nosa lingua irmá.

Cuerdas

Campeones

Mi hermano persigue dinosaurios

Mi hermano persigue dinosaurios

Recursos Samaín

Se facedes CLIC aí ou na seguinte imaxe podedes descargar o PDF interactivo no que cada botón da esquerda do epígrafe vos leva directamente ao arquivo correspondente para descargar e empregar.

No arquivo hai desde xogos imprimibles a textos, un mapa para os Beebot, música...en fin, unha pequena escolma, un ano máis.

Van uns exemplos do que atopar:

Xogo "Onde vive quen", un sinxelo xogo de conversas con final aberto no que 8 personaxes (ánima, compaña, calvaquiño...) buscan o lugar idóneo onde vivir (cova, casa encantada, hórreo perdido...) as curtas descricións e a comunicación faran que tratemos de axudalos (instrucións no arquivo)

Manual das bruxas mariñeiras: Baseado no libro "O manual das bruxas" de Malcom Bird está este sinxelo "Manual das bruxas mariñeiras", eu imprimino coma "folleto" é dicir sendo cada páxina un A5 para ir completando os manuais.

Un mapa de misterios de Samaín: Un mapa dunha illa chea de misterios de Samaín que explorar cos Beebot. Está listo para imprimir e cortar cada peza axustado aos desprazamentos dos Beebot.

Atopa o argumento para a túa historia:  Unha sinxela plantilla na que empregando a inicial, día e mes de nacemento podemos atopar unha idea da que xurda unha fantástica historia de Samaín.

Tarxetas de Samaín do "SpeedCups", ou "Vasos a todo filispín": é un pack de tarxetas do xogo de apilar vasos segundo a cor.

Xornal de Samaín: 5 artigos adaptados e algunhas ideas de uso, ten un espazo na cabeceira de cada páxina para poñerlle nome ao xornal, pode ser o nome da biblio, da aula... (o noso proxecto deste curso vai da costa e cultura de mar de aí que moita temática intentemos relacionala...)

Propostas actividades

Historias de Samaín

Historias de Samaín

Preparámonos para o Samaín traballando as nosas dotes artísticas e literarias desde primeiro ata 6º para rematar lendo as historias de monstruos a través de Radio Lagoa, a nosa emisora de radio educativa.

Móviles Samaín

 

Obras de teatro medioambiental

Coidar e traballar coa nosa lingua é un dos nosos deberes fundamentais.

Nesta ocasión quixemos facelo elaborando durante estas semanas obras de teatro sobre o medioambiente para coidar o noso fogar.

Agardamos que vos gusten e lle atopedes utilidade

As 7R

As 7R de Salvaterra

As 7R na Ribeira do Miño

O misterio das 7R e o tesouro de Salvaterra

O misterio das 7R e o tesouro de Salvaterra (versión mellorada)

O castiñeiro (fai clic na imaxe para acceder á información)

Xogo do Magosto

Xogo do Magosto by profesorlalin

A tradición do Magosto en Galicia

Recursos magosto

A continuación, deixámosvos unha serie de enlaces e recursos que poden ser de utilidade para traballar durante o outono e o magosto.

INFORMACIÓN: (clicade nos textos)

1. O outono e as súas tradicións (Aldeas galegas)

2. O magosto (Wikipedia)

3. O castiñeiro (Galicia.com)

4. Os cogomelos (Vieiros da escola)

 

POEMAS, ADIVIÑAS E REFRÁNS: (clicade nos textos)

1. Poemas e adiviñas (O recanto de Mik)

2. Refráns (C.E.I.P. Campolongo)

 

ACTIVIDADES PLÁSTICAS: (clicade nos textos)

1. Láminas para colorear (Waece)

2. Variedade de ideas (Álbum Picasa)

3. Letras e números de outono (Álbum Picasa)

 

LECTURA: (clicade nos textos)

1. A folliña viaxeira (ISSUU):

 

RECEITAS: (clicade nos textos)

1. Dez receitas con castañas (Tus recetas ABC de Sevilla).

2. Receitas con productos de temporada (L´exquisit)

 

FALL IS HERE!: (clicade nos textos)

1. Variedade de actividades sobre o outono en lingua inglesa

 

XOGOS: (clicade nas imaxes)

Crea a túa personaxe de outono

Outono (Vedoque)

O tempo e as estacións (Junta de Castilla y León)

ACTIVIDADES LIM: (clicade nas imaxes)

LIM  (Ana Martínez Rey)

LIM (C.E.I.P. Frián-Teis)

 LIM (Ana Martínez Rey)

LIM (Ana Martínez Rey)

O Magosto

O Magosto

O magosto

O magosto na escola

O castiñeiro

Decorando os corchos do noso centro

Hai que traballar a linuaxe paremiolóxica e a sabedoría popular dos nosos antrgos e... que mellor eito de facelo que aproveitando a sabedoría popular do noso refraneiro!

Estamos na época do magosto e aproveitando que a nosa mascota da biblio é Crocolibro e que o PLAMBE deste curso académico está relacionado coa selva, a súa familia será a encargada de amosarnos refráns propios do magosto e desta época do ano.

Marcapáxinas de Crocolibro (un dos nosos amigos da selva) celebrando o Magosto

Xa queda cada vez menos para o magosto e non queremos que nos pille de improviso, así que, desde o Equipo de Normalización e Dinamización Linguística vos deixamos 5 deseños diferentes de marcapáxinas dun dos nosos amigos da selva máis queridos, a mascota da nosa biblio, Crocolibro.

Celebra o magosto coñecendo o refraneiro popular galego en torno ao magosto e demostra as túas dotes artísticas pintando e recortando o teu marcapáxinas favorito e non te fartes de ler.

Homenaxeando a Begoña Caamaño (figura homenaxeada nas Letras Galegas 2026), a cal lle gusta versionar historias da mitoloxía convertendo ás figuras femininas en protagonistas, vos deixamos algún marcapáxinas da irmá do noso querido Crocolibro.

Decorando os nosos descansiños en galego coa temática da selva